“elkarlana suspertuz”
Natura babesteko lanean diarduten beste erakunde ekologistetatik bereiztuz, NATURGINTZA FUNDAZIOA ez da presio talde batean bilakatuko, salaketak eta era guztietako polemikak sahiesten ditu. Oinarri gisa, egitasmo zehatzak garatzeko eta martxan jartzeko lan modu bizi eta ez gatazkatsu baten alde egiten du.

• PAISAIA edo naturaren aldetik interesgarriak diren inguruen sare bat eratzea, hitzarmenen bidez lursailak erosiz edota kudeatuz. Lursail horien natura balioa zaindu eta agerian jartzea eta natura intereseko area hondatuak lehengoratzea dira helburuak.
• FAUNA eta flora interesgarriak edo arriskuan daudenak berreskuratzeko egitasmoak bultzatzea eta lankidetza eskaintzea.
• MENDI ibilbideen inguruko promozioa eta bidezidorren egokitzapena eta, orokorrean, natura ingurunearen erabilera publiko egokia sustatu.
• NATURA ingurunearen arloan diharduten herri erakundeen edo beste elkarteen ekimen eta proiektuak aztertu eta martxan jartzeko lankidetza eta laguntza teknikoa eskaintzea.
• INGURUMEN hezkuntza eta natura-inguruneko jarduera eta balio naturalak
  zabaldu eta sustatzea (zabalkunde foiletoak, argitalpenak, erakusketak …).
• BAZKIDE, boluntario eta laguntzaileak (partikularrak, elkarteak, enpresak
  edo administrazioa) bildu eta zaintzea, informazio eta sentikortze kanpainak
  eratuz.